من نحن  |  أسرة التحرير  |  أعلن معنا  |  اتصل بنا  | 
syrialife.org|سيريالايف
آخر تحديث : الأحد 14 تموز 2019   الساعة 17:26:31
بحث في الموقع
استفتاء
تابعونا على الفيس بوك
إشترك معنا
N/A
   صدّ ركلة ترجيحية فاحتفل بجنون ومات    ليدخل موسوعة غينس جلس على قاعدة المرحاض لخمسة أيام متواصلة    ظاهرة التحرش بتزايد والنساء العاملات وطالبات الجامعة الأكثر تعرضاً لتلك المواقف    المسلحون يستهدفون مبنى حكومي في حلب وأضرار مادية لحقت بالمكان    رغم أنهم داخل أراضيهم. سوريون يتعرضون للإساءة من قبل حاجز للجيش اللبناني    الحرف التقليدية رحلة مميزة عبر التاريخ من بوابة معرض الزهور    طوابع بريدية خاصة بمعرض الزهور الدولي    عروض مسرحية وسينما في الهواء الطلق ضمن فعاليات معرض الزهور    الشكاوي بتزايد وحماية مستهلك حلب ترى أن الوضع غير مقبول طبعاً    باب حارة الملا بدون عكيد معروف
صحافة المواطنين
الكولكة وبنات الجامعة قصة واقعية

هي قصة بتصير كل يوم ,ومع كل انسان بمكان ما...القصة ومافيها انو شب من عيلة فقيرة عند 10 اخوة كلون طلعو لحامة وشوفيريت تاكسي .

الا هل الشب قرر يكمل دراستو.خاصة بعد ما اخد البكلوريا وكبر راسو كتير, وبأول محاضرة بالجامعة بتجي بنت حلوة بتشل بتاخد العقل بتسالو بكل ادب في حدى جمبك؟؟ برد بعد ما بعرق وبتلبك مليون مرة....لا لا مافي حدى تفضلي وبدير وشو..

مرة على مرة البنت بتاخد وش عليه وبتقعد جمبو.. وباحد المرات طلبت منو المحاضرة تبع الدكتور الفلاني وبجبلها المحاضرة من تحت طقاطيق الارض .

وبعتبار البنت عرفت شب اهبل متل هاد قررت ماعاد تجي على الجامعة وتاكل من عقل الشب حلاوة مشان يكتبلها كل المحاضرات وبصير هل الشب بحاول يعمل المستحيل وكل يوم بسمع غنية هيرو لانريكة وبتخيل حالو الحبيب ومو عرفان انو اكل كم بحالو..

وبعد مضي ... اربع سنين وعند التخرج بتطلب منو رقم الموبايل... بطير عقلو من الفرح... وبعد هل المدة هي كلها وهو كاتم هل الحب بقلبو سنين بقرر انو يعترف ويقلها الحقيقة كرمال يجيب اهلو ..

بدقلها تلفون ومابترد... وبتكون الحجة دائما " انو انا ماكنت جمب الموبايل ,او كان عنا ظيوف, أو بالحمام, او امي جمبي".

والمهم لما بعترفلها بحبو ...بتقلو بليز لاء لاء نحنا مجرد رفقة وهيك مابصير ,وباحد المرات بتنسى البنت الموبايل مفتوح بعد مكالمتو وبسمعها هي وعم تحكي عليه لرفقتها انو بعرف شب حرام كتير درويش وبدو ياني وانا ماني عرفانة  شو قلو رفيق الجامعة كان يجبلي محاضرات ومن هل الحكي.

واخر شي بسمع الحقيقة ....البشعة ... وبقرر يتجوز البنت يلي جابتلو امو صورتها وهي بنت الخالة ام تحسين يلي جوزا صاحب بقالية المحبة.

وبتنتهي قصة حب وبصير الشب معقد, ياترى الحق على مين على الشب الكوع وعلى البنت المكولكة.

بوحميدات العظيم

0 2011-01-21 | 10:14:09
التعليقات حول الموضوع
تكبير عقل
ghandi | 12:23:20 , 2011/01/21 | Syrian Arab Republic   
يعني حضرتك مصور الجامعة وكانها حديقة للعشاق وتصور الجامعيات وكانهن يذهبن للتسلية وليس للدراسة. حبيبي الجامعة ارقى من ذلك بكثير والفتيات الجامعيات هن واجهة المجتمع وليس كما حاولت ان تصورهن وكانهن ذاهبات لتصيد الشبان او السخرية منهمز كبر عقلك انت ومن لم يختبر الجامعة من الداخل
تفضل بطل التحرير عالمتي
وطني | 17:09:43 , 2011/01/21 | Syrian Arab Republic   
صديقي غاندي عنا الجامعة فيها صياعة كتير يعني ماكنت بالجامعة وشفت البنات كيف عاملين بناطرين شي دك وشي مخايل وشي بيلبسوه بالكرتة والقمصان شي الحفر والدلع وبنص كم ومن غير كم وشي تنورات لفوق الركبة بشبر والشعر مختلف القصات ولاتحدث عن المكياج والعطور الفواحة أهذه تعاليم الاسلام أهذه أخلاقنا أهكذا نحافظ على بناتنا كل هالشي والشب بدو مايلطش البنت ،ايه والله الشباب ماسكين بإيدين جمر من نار تفضل شراب معي متي
ماهذا الكلام
hiam | 17:32:12 , 2011/01/21 | Syrian Arab Republic   
هذه قصة خرافية لاتمس الواقع بصلة وأعتقدكاتب المقالة لايحمل حتى شهادة السادس وبالكاد يستطيع تهجئة الحروف كما قيل الجامعة مكان راقي محترم
في الحقيقة القصة واقعية مية بالمية
anas | 18:01:22 , 2011/01/21 | Syrian Arab Republic   
يا شباب والله في هيك شغلات في الجامعة وخارجها في بنات بدها بس تتسلى ورفقة ومتل الا خوة وانا طالب جامعي صارت معي قصة شبيهة والله لكن المدة 3 أشهر واكتشفت ان البنت بدها مصلحة مني وكذلك والدتها والله في قصص واقعية واناجرت معي ولم اعد لدي ثقة في البنات ورح استخير قبل الزواج وربي هو الذي يختار لي الافضل
حقيقة
ملهم | 19:08:06 , 2011/01/21 | Syrian Arab Republic   
بصراحة بنات هاد الوقت هاي حقيقتهن لإن بعض البنات تتقرب من شب لوضعه كواجهة كي تتستر عن حبيبها .....هلأ صار الحب بيخجل إذا بتخجلي من الحب ليش لتحبي وليش لتحطي حالك بهالموقف بس للأسف مافينك تقول أصابعك كلها بنفس طول بعض لكن لم يعد لدي ثقة من بنات الوقت الحاضر
very goooooooooood
last great man | 11:43:12 , 2011/01/22 | Syrian Arab Republic   
والله لا البنات ولا الشباب رايحين يتعلموا أو يدرسوا غير فئة قليلة منهم والباقي للكولكة والفزلكة وبس البنت بدها الشب يجبلها المحاضرات ويدرسها والشب بده يدرسها بس مو محاضرات الجامعة/فهمكن كفاية/
والله مزبوط
مهندس معتررررر | 06:39:02 , 2011/01/23 |   
معلش ... في مجاال... اذا مافيها سئلة يعني... ما نزاود على بعض و كأنو نحنا عايشين بالمدينة الفاضلة و البنات ملائكة و رايحين عالجامعة و هنن مستحيين يطلعو بالدكتور بالمحاضرة و كلهم ادب و احتشاام. اي هالقصة مزبوطة و كتيييييييييييير مزبوطة و على فكرة اكتر من 80 بالمية من البنات رايحين يتسلو و يتمايعو و انا عم احكي عن تجربة شخصية بتشبه القصة يلي هون بالمغزى مع اختلاف التفاصيل و يا ريت يا هيام ما تنطي تقولي انو كمان انا ما معي سادس لانو شكلك انتي بتعرفي الجامعة بس من المسلسلات
يمكن ...
وحدة من الناس | 09:26:15 , 2011/01/23 | Syrian Arab Republic   
انا طالبة جامعية ويلي عم يقولو الكاتب فيه الكثير من الصحة بس لازم ما ننسى انو مو كل الناس متل بعضها يعني لا يعمم في كتير حالات مثل ما قال وابشع بس في كمان ناس محترمة لا تزال محافظة على تربيتها مع انو للاسف هدول قلة .... والموضوع مو بنت وشب في بنات محترمات وفي شباب محترمين .... وهاد من وجهة نظري ..
من هم طلاب الجامعة؟؟؟
خالد الدمشقي | 10:04:45 , 2011/01/23 | Syrian Arab Republic   
المقال كتبه شخص يرى العالم من زاوية ضيقة جدا مع احترامي لشخصه... كل مكان في هذا العالم يوجد فيه الجيد و السيء...لكن السيء قد طغى بشكل كبير و غطى على الجيد في كل المجالات...هناك نسبة كبيرة من شباب و شابات تركوا منازلهم و أهلهم لكسب فرصة التعليم العالي...لكن هؤلاء قد ضاعوا في ازدحام الجامعة, و قلما تراهم لأنهم لا يخرجون من قاعات الدراسة, اما النسبة العظمى هي من المتحررين و المتحررات من .......!!! لذا لا داعي لظلم طلاب العلم!!!!!
من وين العطل يا ترى ؟؟
Roula | 10:25:28 , 2011/01/23 | Syrian Arab Republic   
انو ليش الكل نسيو لب الموضوع وصار بدون يعرفو ازا القصة واقعية ولا لأ ويا ترى انتو وين عايشين بأي كوكب بالمريخ ولا بالزهرة بزمانكون مو نازلين عالجامعات وشايفين شو عم يصير فيا ؟؟ بالحقيقة هي قصةكتيــر بسيطة هلى هوى اللي عم صير بالجامعات ومنا بينحكى فيا يعني هي ازا شي بنت مبتدئة سنة اولى يمكن تساويا بس يا ترى من وين الخلل من الترباية ولا من الاهل ولا من البنات زاتون؟ أنا بنصح كل الاهالي انو يديرو بالون عبناتون أكتر ولأخد العلم انا مو عم احكي هالحكي من عندي انا طالبة جامعة وبشوف بعيني كل يوم
الله يعين ،
ash | 16:42:28 , 2011/01/23 |   
شو هالقصة التافهة معزبين حالكن وحاطينا وعأساس عم تحكو شي جديد ، فكرت في شي قصة مهمة او عبرة بس للاسف صحافتنا الالكترونية بدا 100 سنة
شو بيمنع
ورقه بن نوفل | 19:02:20 , 2011/01/23 |   
شو المانع إن الصبيه كانت صادقه , والشب صار له اربع سنين ببساطه كان عنده مليون فرصه يشوف ويصادق غيرها , خصوصاً إن البنت ما وعدته بشي ولا هو حاول يطور علاقته معها ليعرف شو فكرها وشو مشاعرها , شاب منغلق لهدرجه , لا يلوم غير نفسه , لو سألها من الأول كان وفر على نفسه وعلينا كل هالمجادلات .
ههههههههههه
oula | 20:32:22 , 2011/01/23 | Syrian Arab Republic   
يا لطيف...... عأساس شب جامعي اي مانو آخد التاسع لا هوي ولا يلي كاتب هالمقالة
ابتزاز أنثوي
رمزي نصر | 12:52:01 , 2011/01/24 | Syrian Arab Republic   
شكرا لكاتب المقال ، نقترح على إدارات الجامعات ، وعلى أساتذتها أن يفعلوا الخير ويقوموا بعمل قمت أنا به وقد انتفع طلابي منه، وهو التنبيه و التحذير من لابتزازا سواء من جانب الفتيات أو من جانب الفتيان ، و عدم الركون إلى العواطف الفارغة ، و الاعتماد على النفس أولا ً , فقد كان ولدي المتفوق في دراسته عرضة لهاتيك الفتيات الكسولات فحذرته و قد أدرك هو الحقيقة وقال شكرا ً لك يا أستاذنا ، التنبيه واجب الأساتذة و التحذير أيضا ً ( احذروا النشالين و النشالات ) و تضرب اللغة العامية غير المفهومة .
انا اللي ما بفهم
fadi | 15:59:29 , 2011/01/25 | Syrian Arab Republic   
يا جماعة ليش كل هالحكي ... هي قصة ممكن تكون حقيقية وممكن لأ .. وبالنهاية خلينا بحالنا احسن شي ... على فكرة انا ماعندي شهادة السادس لسا ههههه
الحقيقة واضحة
جمال عبد الناصر | 00:47:00 , 2011/01/26 |   
جامعاتنا صارت مكان لعرض الأزياء و الأجساد ... مو كل الصبايا بس المعظم و يا رب تقوم القيامة قبل ما نشوف أشياء أعظم.... البنات أبداً بطل عندهن احترام لأجسادهم و معروضين متل اللحمة المكشوفة كل الذباب بيجي عليها يعععع الله يهدينا بس و تصير البنت تعرف قيمة نفسها و قيمة جسدها قال حضارة قال .... بدهن يرجعونا على الغابات و نعيش عيشة البهايم و كلو ينط على كلو
التفسير الفلسفي أو المنهجي
bobe | 01:38:58 , 2011/01/26 | Syrian Arab Republic   
مجرد وجود شاب في دولة عربية فهو شاب ناقص يبحث فتاة لتكمل هذا النقص و بما أن الفتيات العربيات يعانين من هذا النقص أكثر من الشباب فإنهم يستغلون تلك الفكرة للعلب بالشباب و الضحك عليهم
الحق عالكوع
الحلم | 15:03:01 , 2011/01/26 | Syrian Arab Republic   
يفترض الجامعات تكون للعلم مو للتسلية بس التعارف والتعاو بالجامعة طبيعي والبنت ماغلطت بهالحالة
بهل زمان كل شي معقول
esmaael | 15:51:38 , 2011/01/26 | Syrian Arab Republic   
انا أقول انا نصف البنات والشباب ذهابهم الى الجامعة كله لأقامة علاقة وليس للدراسة وانا واثق من كلامي
رعونة شاب
أبو عمر | 06:14:53 , 2011/01/27 |   
هذا الشاب لو لم يكن ارعنا لما وصل الى هنا الحب لا يكون بهذه الطريقة ولو كان عنده ادنى حد من البصيرة لما كان مسخرة لبنت لاتملك الا قلة الحياء فلنكن متيقظين عاقلين لكيلا نقع بهكذا مطبات
وين الحب
مجروح من حبيب | 22:29:12 , 2011/01/29 | Syrian Arab Republic   
بصراحة ما بعرف العيب فينا ولا بزمانا يلي وصلنا لهون بس برقي الحق على الشب لانو البنت لما بتشو هيك الشب بتركبو وبتدندل رجليها
الشب شناطفة والبنت فركيطة
لب الموضوع | 02:45:00 , 2011/02/04 | Syrian Arab Republic   
مابهم إذا كانت القصة من الواقع أو أختراع المهم انو هاد الشب الي أخواتو لحامة وشوفريت تكاسي يعني لازم يكون حربوء زمانه بس الهيئة مدة اربع سنين من وماتقدم خطوه هاد شب شناطفة والبنت وين كانت عم تبرر غيابها عن الجامعة ووين كانت عم تقدي وقتها أكيد هي بنت فركيطة وبتحب التعاسي ومتلهن متايل بالجامعة وبالمدارس والحياة الاجتماعية بقى الحق لا عليك ولا عليي كل الحق على الداية ال ترباية ال هع بنت بتزع مية وشب بينزع الف ربوا وتعبوا
فيها وجهة نظر
THE SENATOR | 04:02:20 , 2011/02/04 | Syrian Arab Republic   
عفكرة المقال واقعي rورح أحكي عن جامعتي rمعظم الي فيها اما حب خرافي مبني على مصالح وأوهام أو معقدين دراسيا لدرجة بترفع الضغط او بايعينا وبينجحوا بقدرة الله والنقل rوكم حالة خاصة متلي rوالسلام
لا يا
مو-حدا | 00:16:52 , 2011/03/06 |   
لك عمو كاتب المقال انت وين عايش, ومن وين جايبلي قصة المحاضرات اذا المحاضرات عم تنباع بالمكتبات ومو متطرة البنت تكولك لشب مشان يكتبلها,يعدين شو هلقصة الجهنمية اللي كاتبها بعد أربع سنين أعطتو رقمها ,انو شو مشان,ياصديقي اذا كنت عم تروج لأنو الجامعات صارت للفزلكة وطق الحنك بتكون غلطان , كلنا فخر بانتمائنا للجامعات السورية اللي شعارها وقل ربي زدني علما,الاحترام موجود بالجامعات بين الجنسين واذا حضرتك جايبلي قصة من وحي خيالك لتتفزلك وتلفت الانظار بتكون غلطان .. اذا صارت هلقصة فهلشي مابيعني انو الكل هيك
هل ترغب في التعليق على الموضوع ؟

ملاحظة : جميع التعليقات المنشورة تعبر عن رأي أصحابها ولا علاقة لموقع سيريا لايف الإخباري بمحتواها

: الاسم
: البريد الالكتروني
: عنوان التعليق

عدد الأحرف المسموح بها 500 حرف
: نص التعليق
: أدخل الرمز
   
الرئيسية  |   شخصيات  |   سياسة  |   اقتصاد  |   محليات  |   جامعات ومدارس  |   حوادث  |   تحقيقات  |   علوم واتصالات  |   ثقافة وفن  |   رياضة  |   صحافة المواطنين  |   صورة من الشارع  |  
جميع الحقوق محفوظة لموقع سيريا لايف | syrialife.org © 2009 - 2019
Powered by Ten-neT.biz ©